على المسطبه

موضوع: على المسطبه الأحد فبراير 15, 2009 1:23 am

بسم الله الرحمن الرحيم
اهلا بكل من لبس الجلابيه
ومن لبست الملس
وهيشارك معانا علي المسطبه
( تحت التوته )
احنا فرشنا الحصيره
ومستنين اصحابنا يتفضلوا يقعدو معانا وندردش شويه
و نتكلم مع بعض في مشاكلنا بطريقه دمها خفيف كدا
وهي فرصه نعرف بعض اكتر
وهنبعت ونجيب لب ونقزقز
وممكن نجيب توت كمان
( هقوم معاكم بالواجب)
يارب المصطبه تعجبكم

هدخل في الموضووع على طـــول

انتشــرت في الآونــه الاخيـــره المقــاهي العائليـــه

بــس اللي لفت نظـــري هو ان اغلـب اللي بيشيشو بنات

وبنات في عمر الزهــور يعني من15 لـــ22 سنه

واغلب البنـــات دي تلاقيــهم عندهــم مشــاكل عائليــه

او ابوها وامها ضربين خناقه ومطرقعين لبعض

فين بقي الرقابه

الرقابه من الدوله

الرقابه من الاهل

لا والمصيبه المنيله ان في بعض الامهات عارفين وساكتين

ليه

ليه

اقول لكم ليه

ساعات الام بتبقي زي بنتها وممكن تقعد تضربلها شيشه مع بنتها
مش عارف هما مفكرينها موضه ولا ايه
نسوان تييييييييييييييييت

يعنــــي البنت تكون لهــا شخصيــه وكيـــان لما تشيش

هل ترضى انك ترتبــط ببنت تشيش

وماهي فكرتكم عنها

عاوز من الشباب والبنات يقولون رايهم بمنتهى الحريه

وياريت نلاقي حلــــول

شيل ايدك ياد من علي اللب خلصته كله
قوم يلا من هنا
مش عاوزك تشارك
رايحين فين يا جماعه انا بهزر
مستني ردودكم

مقدمه لكم
صاحب الحصيره والي دافع فلوس اللب