موش فاكر ........... هو كان اسمه ايه

سالجمال ع الرايقين رايق رايق و رايقة رايقة

كيفكم عاملين ايه

إن شاء الله بخير

قبل الكلام الكتير و الرغي و المتاهات

أممكن سؤال شخصي حبتين ؟؟

دا برده كان العشم

إلا هو انت حضرتكـ مبسوط و له مخنوق

بلاش دي

شايف الحياة حلوة وله قرفان منها

اركن بأه ورقة الأجابة ع جنب و تخوش بأه ع التوبيكـ

الحياة

أن أن أننننننننننن

رحلة مكتوبة من قبل ما تتولد

تن تن

هتعيشها بحلوها و مرها

كلها هتعدي

اليوم أربعة وعشرين ساعة

و لا عمرها بتقف ع حد و لا بسبب حد

و بعد ما رحلتكـ بتخلص بتموت

مفيش أي حاجة بتوقف حياتكـ غير الموت

أركن برده الكلام ده كله ع جنب و ركز معايا حبتين

إمبارح كنت بأسمع أغنية رضا ( عدي العمر )

الأغنية دي جميلة اوي

القصد

اكتر حتة عجبتني فـ الأغنية دي ( بس السؤال اللي يحير ... عشت الحياة وله عاشتني )

الله عليكـ يا ريس الله

هو ده بأه سؤالي

عشت الحياة وله عاشتني

نجمع واحد و أتنين و تلاتة

1 - انت مخنوق و له مبسوط
2 - الحياة كده كده هتتعاش
3 - عشت الحياة وله عاشتني

نوصل لأيه بأه

لو انت مبسوط

انت بني ادم فعلاً بتفكر ... عرفت أزي تعيش الحياة و متخليهاش تخنقكـ بأحزانها و مواقفها اللي موش لطيفة

لو انت مخنوق

احنا متفقين ان الحياة كده كده هتتعاش و بتمشي يومها اربعة وعشرين ساعة ... مفيش يوم خمسة و عشرين ( غير بتاع سيد ابو حفيظة )
يبأه ليه تخنق نفسكـ ؟؟؟ أزاي اديت فرصة للحياة انها تعيشكـ و تخنقكـ بأحزانها

أممكن سؤال ؟؟؟

عمركـ استفدت حاجة من خنقتكـ ؟؟
بالعكس انت اكيد خسرت حاجات كتير

كل مرة بتكون مخنوق فيها اكيد بتزعل حد منكـ ... أكيد بتعدي عليكـ مواقف تافهة و موش بتعرف تتصرف فيها بسبب ان حضرتكـ مخنوق و بالتالي دماغكـ واقفة

الدنيا ابسط من كده بكتيييييييييييييييييير

نورتوني