واحـد . . . . اتـنـيـن . . . الجيـش العربي فين
الجيش العربي فين . . . الجيش العربي فين
الجيش العربي فى مصر
ساكن فى مدينة نصر
يصحى من النوم العصر
و بيفطر شاى و منين
واحـد . . . . اتـنـيـن . . . الجيـش العربي فين
الجيش العربي الليبى
زى الفن التكعيبي
كله بتنجان يا حبيبي
و الظاهر واخد عين
واحـد . . . . اتـنـيـن . . . الجيـش العربي فين
واحـد . . . . اتـنـيـن . . . الجيـش العربي فين
الجيش العربي خليجى
ما فى حيل لا يروح ولا ييجي
هذا صمت استراتيجي
ايش فيك يا غراب البين
واحـد . . . . اتـنـيـن . . . الجيـش العربي فين
الجيش العربي فى تونس
اخضر مثل البقدونس
وعزيزة بتعشق يونس
تبقى الحُرُبَات بعدين
واحـد . . . . اتـنـيـن . . . الجيـش العربي فين
الجيش العربو سودانى
سامع هتوته بودانى
هوا انا ههجم فردانى
يلا ارجع يا بو حسين
واحـد . . . . اتـنـيـن . . . الجيـش العربي فين
الجيش العربي اتهان
يوم ما انضربوا الافغان
وسكت فى البوسنة زمان
وقبل ياكل بالدين
واحـــــــــــد . . . . . . . . . . . . إتــــــنــــيـــــن
من شعر
محمد بهجت قمر
